Ciaravalle 1833/E Commisciôin
| ←Sciaradde | Ciaravalle zeneize pe l'anno 1833 de E Commisciôin |
Sciaradde e indovinelli→ |
E Commisciôin.
.jpg)
Un Negoziante
Andava in Fransa,
Per fâ un’affare
Ben d’importansa;
Tizio, Sempronio,
Cajo, e Martin
Ghe dessan tutti
De commisciôin.
Per fâghe acquisto
De capellin-ne,
Bijoux, pissetti,
Robe, marscin-ne;
E de portâghe
Mill’atre istoje,
De quæ ghe dessan
Tutti e memoje;
Fra tanti un solo
Ghe dè i dinæ,
Peo, ne a so notta
Drento fasciæ.
Doppo duî meixi
O ritornò,
Appen-na o seppan
Ognun gh’andò.
Con gran premûa,
Per fâse dâ
A rispettiva roba
Ordinnâ.
Ma lê ghe disse,
Ei da saveì
Ch’essendo a Lion,
Appenna intreì
In ta Locanda,
Mentre piggiavo
E vostre notte,
E i ordinavo,
Se levò subito
Un vento forte,
Che spalancando
Barcoin, e porte,
O e cacciò tutte
Ne-o fiumme a reo,
Meno a memoja
Che me dè Peo,
Che l’hò eseguia,
E o ghe mostrò
E belle cose
Che o ghe portò;
Perchè? ghe dissan
Tutti affannæ,
Perchè a l'aveiva,
Drento i dinæ.
.jpg)