Ciaravalle 1833/Sciaradde4

by Martin Piaggio

←O Dottô, e o Carettë

Ciaravalle zeneize pe l'anno 1833 de Martin Piaggio Sciaradde

A Can vegio no se ghe dixe cuccio→

SCIARADDE.

L’è o mæ primmo un-na bevanda
Che ne manda - o mondo nêuvo;
Ne o secondo mi me trêuvo,
E lê sempre o ritrovieì
Frà i Cantanti, e co-i Sûnoeì.

L’è o mæ tutto un-na gran Dea
Chi n’ammïa nisciun in cëa,
E nemiga dell’ingiusto
A fà dâ a tutti o so giusto.

O mæ primmo o l’è un Quartê;
Un avverbio l’è o secondo;
Porto o terzo in testa, e ai pê;

L’è o mæ tutto un coso riondo
Gianco, e ciù umeo che o velûo
Chi se mangia, e cêutto, e crûo.