Ciaravalle 1833/A Can vegio no se ghe dixe cuccio

by Martin Piaggio

←Sciaradde

Ciaravalle zeneize pe l'anno 1833 de Martin Piaggio A Can vegio no se ghe dixe cuccio

Sciaradde→

A Can vegio no se ghe dixe cuccio.

Un Villan de Lancasciù,
Spûa sentenze e za d’etæ,
O lasciò un giorno a cascin-na
Pe andâ a vedde un po a Çittæ;

O l'aveiva a barba longa,
Gianca comme un armellin,
E o l’andava ranghezzando
Appuggiôu sciù un bastonnin.

Quand’o fu verso a ciannûa
Træ Paisan-ne l’affermon,
Che veddendolo canûo,
Per burlâlo ghe sbraggion.

,,Aa montagna gh’è nevôu ...
,,Deve fâ da grand’arsûa! ..,,
Sci, l'è vëo, o rispose riendo,
Perchè gh’è e vacche ä bassûa.