 |
Questa pagina a no l'è stæta corretta. | |
A Can vegio no se ghe dixe cuccio.
.jpg)
Un Villan de Lancasciù,
Spûa sentenze e za d’etæ,
O lasciò un giorno a cascin-na
Pe andâ a vedde un po a Çittæ;
O l'aveiva a barba longa,
Gianca comme un armellin,
E o l’andava ranghezzando
Appuggiôu sciù un bastonnin.
Quand’o fu verso a ciannûa
Træ Paisan-ne l’affermon,
Che veddendolo canûo,
Per burlâlo ghe sbraggion.
,,Aa montagna gh’è nevôu ...
,,Deve fâ da grand’arsûa! ..,,
Sci, l'è vëo, o rispose riendo,
Perchè gh’è e vacche ä bassûa.
