Chittarin zeneize 1881/93

Da Wikivivàgna
Chittarin zeneize de Martin Piaggio
Sunetto - a-o Feliçe Gnecco


[p. 93 modifica]

SÛNETTO 1



De quanti versci ho fæto per sposæ,
E de quanti sûnetti ho zà stampôu,
Nisciûnn-a de sposæ, nisciûn sposôu
M’ha dæto o pappajêu d’aveine assæ.

Chi de nosse m’ha dæto appenn-a a coæ,
Chi m’ha dito: Te e dö, chi m’ha strinôu,
Chi fa o nescio, chi schiva, chi è scentôu,2
E chi, se ghe ne desse, o ne piggiæ.

Ho fæto manoscrïto ûn sûnettin
Pe-e nosse de sò figgia, a sciâ Tëxinn-a,
Che scià ha majôu co-o sciô Brûzzo Gioannin;

Viva a sò faccia, a-o manco, cribolinn-a!
Scià me n’ha dæto tante che Martin
O se n’ha fæto stacca e pansa pinn-a.


[p. 94 modifica]