Chittarin zeneize 1881/91

by Martin Piaggio

←Sunetto

Chittarin zeneize de Martin Piaggio Sunetto - a-o Cristoffa Grasso

Sunetto→

risposta a 'n sunetto do Cristoffa Grasso speçiâ da meghi in San Teodóo

SÛNETTO ¹

Son grato, sciô Cristoffa, a-a sò bontæ
E a quella immeritâ bonn-a opinion
Che scià l’ha do sò servo Martin bæ,
Poeta zeneize sensa pretenscion:

Ma mi no son da tanto, e no son bon
De fâ taxeì, con dâ de stafillæ,
I nêuvi vati andæti in procescion
A tiâ e fädette a-e Mûse strapassæ.

Bravi e strabravi!... posso solo dighe,
Amixi, pe aoa basta!... e lire abbasso;
Femmo ûn pö d’armistizio: bonne fighe!...

Zêughe a scacchi o ciù Brav[o ²] con l’Ebreo,³
Fasse nëgie o Negiâ,⁴ mangie o Lûccasso; ⁵
Sto mazzo poi cantiemo tûtti a reo.