Chittarin zeneize 1881/89

Chittarin zeneize de Martin Piaggio
Sunetto

za pubricao in "Per la solenne religiosa vestizione della signora Anna Piaggio Di Martino nel monastero de' ss. Giacomo e Filippo il giorno 9 febbraio 1841", Zena, Pagan

[p. 89 modifica]

SÛNETTO ¹

Sêunna e campann-e a festa... Andæ, credenti,
Congiunti e amixi, in quello tempio intræ,
Per vedde, fra i angelici concenti,
Comme se forma a vëa feliçitæ.

Vergine ûmile, in ricchi abbigliamenti,
Pompe vane, abborrie presto cangiæ
In spinn-e, croxe e in pövei vestimenti,
Consacra allegra a Dio a sò castitæ;

Sposâ celeste, o sò voto é adempio,
A l'é paga, ma a l’esûlta in monestê,
Da ogni inscidia segûa, da ogni sospïo.

A prega, a se fa santa... Ah beata Lê!
Figgia diletta, ti é^[sic] ti quella... Addio!
Ti lasci o mondo, ma ti acquisti o Cê.^[sic]

[p. 90 modifica]