Chittarin zeneize 1881/59

Da Wikivivàgna
Chittarin zeneize de Martin Piaggio
Scherço - a-o mego Timon


[p. 59 modifica]

SCHERSO 1



Scià perdonn-e, sciô magnifico,
Questa mæ licensa poetica
De mandâghe ûn bertagnin 2
Chi m’é stæto regallôu,
E co-o stesso frexettin.

Se l’amigo o no mentisce,
O me o dà per pescio fin,
Boccon raro e delicôu.

Scià l’assazze, e scià o gradisce,
Scià me ciamme Pöchettin;
Ma o sò amigo attaccatiscimo,
O sò servitô ûmiliscimo,
Scacco a-o rè!... 3

Piaggio Martin.


[p. 60 modifica]