Chittarin zeneize 1881/57

by Martin Piaggio

←Sunetto

Chittarin zeneize de Martin Piaggio Ringraçiamento - a-a viddoa Feliççita Caignaña

Scherço→

A sciâ Caignaña a l'aiva regalao a-o Piaggio 'na scattoa de plattino in ringraçiamento pe-a so poexia pe-e noççe da figgia Cleopatra co-o Lusciandro Colan.

RINGRAZIAMENTO ¹

Sciâ Feliçita ornatiscima,
A mæ Mûsa a l’é gratiscima
Pe-a gentile e vertadëa
Moscovita tabacchëa
Che, pe innata sò bontæ,
Regallôu scià ha a Martin-bæ.

Ghe ne son riconoscente
E a portiö comme ûnn-a giöia
Sempre addosso per memöia,
E pe aveì sempre presente
O faustiscimo Imeneo
Applaudïo da tûtti a reo ²
Fra a sò bella primogenita
Clëopatra amabiliscima
E fra l’ûnico Collan

Che, feliçe e contentiscimo,
Se a portò presto a Milan,
Dove a brilla fra e ciù belle,
Comme a lûnn-a in mezo a-e stelle.

Spunta presto, ameno giorno,
Vegni e porta de ritorno
Questa Coppia fortûnâ,
Ligâ in öu, dexiderâ
Da-a mammà, fræ, sêu, parenti,
Per sò gran consolazion
E a comûn soddisfazion
Di sò amixi e conoscenti,
Che Dio vêuggie, e coscì scia!

Scià me stagghe d’allegria,
Sciâ Feliçita ornatiscima,
Obbligante e compitiscima,
Ché ghe fasso ûn bell’inchin
E ghe son con tûtta stimma,
Tanto in prosa quanto in rimma,
Servitô, chêugo e

Martin.