Chittarin zeneize 1881/55

by Martin Piaggio

←Sunetto

Chittarin zeneize de Martin Piaggio Sunetto - A-o sciô F. Bollo

Ringraçiamento→

Critica a-o longo componimento in versci "Sœunno" de l'amigo Bollo. Chi sa s'o l'è ancon conservao da quarche parte? (G. Musso)

SÛNETTO ¹

Tûtta a nêutte ho dormïo comme ûn sûccon,
E finn-a stamattin a êutt’ôe sûnnæ,
Ho lètto o vostro Sêunno chi é ben bon
Per l'idea, ma gh’é e rimme ûn pö stentæ.

Bezêugna ne-o zeneize fâ attenzion
Che o verso o vadde con spontaneitæ,
Ch’o no manche d’accenti, e o l'agge ûn son
Gradïo da leze con façilitæ;

Çerte rimme son sempre da schivâ,
Comme i tacchi che son per comodin,
Bezêugna ëse sûgoso in versezzâ.

Dî cose, e non parolle..... Dieì, Checchin,
Che l’Aristarco anchêu ve vêuggio fâ!...
Ma ve parlo da amigo e da Martin.