Chittarin zeneize 1881/47

by Martin Piaggio

←Sunetto

Chittarin zeneize de Martin Piaggio Ringraçiamento - A-o banchê Loigi Riçço pe 'na botiggia de Madera

Scherço→

RINGRAZIAMENTO ¹

Cäo sciô Luigi stimatiscimo,
Ghe son grato, ansi gratiscimo,
Pe-o stûpendo sò Madera,
Generoso, d’antiga era,
Che, per somma sò bontæ,
Scià l'ha dæto a Martin bæ.

Oh beneito e beneixïo!
No l’aveivo ancon stappôu
Che o m’ha o stêumago intonôu,
E son torna regaggïo.

O l'é proprio vertadëo!²
Quando o verso me o distillo,
Perché o me faççe ciù rëo,³
E per no magnâ lo grillo...⁴
Ma fin tanto che n'avrò,
Un tantin me lo godrò...⁵
Poi m’ha dito o sciô Reginn-a
Che o sa dove l'é a cantinn-a,
Ove all'uopo tornerò ⁶.

Mi o ringrazio, sciô Luigin,
E con fâghe ûn bello brindixi,
Me protesto so ûmiliscimo
Servitô, chêugo e

Martin.