Chittarin zeneize 1881/45
| ←Sunetto | Chittarin zeneize de Sunetto - Risposta a-o sciô Françesco Rolla |
Ringraçiamento→ |
| Risposta pe-e rimme a 'n atro sunetto do Françesco Rolla. Se prezumme che manco sto sunetto chie o segge conservao tra-e carte do Piaggio, che sedonque o Zane Menuo, o l'aviæ dovuo stampâghe da-a rente sto chì ascîe. |
SÛNETTO 1
Semmo sempre da cappo, sciô Checchin?
E cose v’é sätôu, dïme a veitæ,
De fâme biscebaggi co-i mæ dæ,
E piggiâ pe campann-e i sûnaggin?
Quando eì lætto o sûnetto de Martin,
Me paeì, aveivi i arve ûn pö imbägiæ;2
Ma metteive i speggetti, e aggiæ a bontæ
De lëzio torna ben a tavolin.
Veddieî che no ve mordo co-a mæ limma,
Ma che i mæ versci, benché da donnette,
Parlan de voî con riverensa e stimma.
Se o diao de scrive torna in chêu me mette,
Vêuggio, in lode di amixi, in prosa e in rimma,
Per cribollinn-a! fâ poemi e farsette.
.jpg)