Chittarin zeneize 1881/445 Sunetto

by Martin Piaggio

←Sunetto

Chittarin zeneize de Martin Piaggio Sunetto - pe-e noççe de 'n viddoo aximattico

Cançon→

SÛNETTO ¹

Se va sûnando o corno pe-a çittæ
Che ûn ommo pin d’acciacchi e de malanni,
Vîduo^[sic] de pochi meixi, e a sciûsciant'anni
O l’agge torna l'axillin a-o bæ;

E che per consolâse di passæ
Colerici ² desgûsti e freschi affanni
E, pe appattâse di nottûrni danni,
Pigge torna moggê questo ballæ.

O l'ha coæ de lasciâghe a pelle e o peì
Sto sciollo co-a perrûcca dito Antonio,
Chi tosce, s’arve, scracca e giascia meì!...

Chi ghe l'ha misso in sûcca? o l'é o demonio?
Ohibò!.... o l'é o stesso vizio, se nö seì,
De frûgä a pippa e de locciâ o stramonio.³