Chittarin zeneize 1881/443 Sunetto

by Martin Piaggio

←Per onomastico

Chittarin zeneize de Martin Piaggio Sunetto - a-o G. B. Scotto

Sunetto→

pe-o figgio de l'aotô Michê Piaggio

SÛNETTO ¹

Da-o gran piaxeì ciù ûn pö divento matto,
E ho proprio fæto ûn schitto ² da cravetto,
Quando o sciô meistro ha fæto appenn-a l’atto
Che a mi toccava quello sò libretto.

E quando o me l’ha dæto?... Oh benedetto!
Me vegnì e unge affiæ pëzo che a-o gatto,
Grin ti gh'ê! Scialla ho dito, cäo premietto,
Vegni con mì, che te mettiö in recatto.

A tûtti l’ho mostrôu, poi sitto sitto,
Me l'ho misso in ta stacca comme ûn motto
E in casa andeì da mæ mammà in t’ûn schitto.

Me paeiva che m’ammiassan da per tûtto
E che dixessan: Bravo! o ven da Scotto
Dove se premia i ciù stûdiosi in tûtto.