Chittarin zeneize 1881/419 Sunetto

by Martin Piaggio

←Martelien

Chittarin zeneize de Martin Piaggio Sunetto

Cançon→

pe-e noççe do Giulian Catado co-a Loiza Parodi

SÛNETTO ¹

A ciù bella de quante Dee ghe son
Ciammò ûn giorno sò figgio, e da-o venin ²
Tûtta arraggiâ, a ghe disse: Biricchin,
De fâ conquiste ti non é^[sic] ciû bon?

Rompi e frecce e quell’arco, mascarson,
Avverti ³ de ciammâte ciù Amorin,
Desbindite e ammïa ûn pö lâ o sciô Giûlin
Interessante e amabile garson.

Ti veddi comm’o passa impûnemente
Davanti a questa e a quella ninfettinn-a,
Nè per nisciûnn-a mai ferì o se sente?

Rispose rïendo quello vorpe finn-a:
L’aspëtâvo da Luccoi a fâ o valente,
O l’é là chêutto e peôu pe-a sciâ Luiginn-a.

   Allôa de giöia pinn-a
Abbrassandolo, Venere a o baxò,
Ûnn-a rêusa d’in testa a se levò,

   O cinto a se staccò:
Vanni, a disse, regàllali ä sposâ,
Che ûnìon ciù bella ti no poeivi fâ.