Chittarin zeneize 1881/361 Sunetto

Da Wikivivàgna
Chittarin zeneize de Martin Piaggio
Sunetto - contra e morϟdi


[p. 361 modifica]

SÛNETTO 1



Chi ælo quell'aze che vêu sostegnï
Che i emorroidi son ûn don do Çê,
Ûn sfêugo de santè 2 chi vêu sciortî
Con fâse stradda a forsa da-o p....?

Mi diggo, che son cöse da fâ moî,
Che méttan l’ommo a perde e fêua de lê,
Che son tormenti da no poeì soffrî,
Che me saeiva ciù cäo portâ o braghê.

No parlo a caxo, ma, per mæ disgrazia,
Parlo per prêuva... e comme i ho provæ!
Son sette giorni e ciù che me fan grazia.

Broddi lunghi, fûmenti, serveziæ,
Sanguette, varma, læte... ninte ë sazia....
Son malanni, che fan pûrgâ i pecchæ!


[p. 362 modifica]