Chittarin zeneize 1881/359 Sunetto

by Martin Piaggio

←Cançonetta

Chittarin zeneize de Martin Piaggio Sunetto - contra 'n banchê avaro

Sunetto→

SÛNETTO ¹

Chi o l'è quello mëz'ommo mâ vestïo,
Tûtt’êuggi, naso e bocca chi è là in pè?^[sic]
Miæ ûn pö che brûtto müro! o pä buggïo,
O l'è scappôu de sotto a san Michê.

In mæ davveì, che mi, con ciù l’ammïo,
Me pä ch’o se somegge... Scì, o l’è lê,
Quello chi no se fia ² manco de Dio,
Bazajotto da cangi e non banchê.

O stûdia nêutte e dì per fâ dinæ,
O mangia, o beive e o dorme comme o can,
O no paga nisciûn... Ghe ne piggiæ!

Sempre o l’ammûggia questo ebreo cristian,
Ma o l’ha da moî, per fâ sciallâ i so fræ,
C’ûn ratto in bocca, e pin de mosche in man.