Chittarin zeneize 1881/313 Sunetto

by Martin Piaggio

←Congratulaçion

Chittarin zeneize de Martin Piaggio Sunetto

Cançon→

boñe festa da-o Michê, camê do Cafè da Constança

SÛNETTO ¹

Gh’è ûn’ûsansa generale
Frà i camê di bûtteghin,
Quando s’è sotto Natale,
De stampâ di sûnettin.

A l'é cosa natûrale
De vegnî poeti stoppin
Per dâ, in ton ciù magistrale,
Bonn-e Feste pe-o Bambin.

Per no mette dunque abûso,
Pe-a costansa do mestê
E per conservâ o bon ùso,

L’é ben giûsto che Michê ²
Ghe presente in to pertûso
Da buscioetta ³ o sò pappê.