Cava in to remoin 1930/SE!…
| ←Madrigale | In to remoin de Se!... |
Disavventûa→ |
SE!…
Se diventesse a caxo ûn nêuvo ricco,
o guadagnesse a-o lotto ûn terno secco,
vörriae mandâ i affanni tûtti a picco
e divorziame ascî pe n'èse becco.
Me fievo 'na villetta in çimma a ûn brïcco,
dipinta cö colore dö festecco;[1]
da-a porta ûnn-a targhetta, sorva ö picco,
con scritto: Villa Verde dö sciô Checco.
Me dedichievo a-o cûlto dö dio Bacco
con de böttiggie vëgie che fan ciocco,[2]
cacciando e convenienze drento ûn sacco
pe sötterrale allegro tûtte in blocco,
contento che me dessan dö bislacco,
pe poeî godîme in paxe ö mae malocco.[3]