 |
Questa pagina a no l'è stæta corretta. | |
Me fievo 'na villetta in çimma a ûn brïcco,
dipinta cö colore dö festecco;[1]
da-a porta ûnn-a targhetta, sorva ö picco,
con scritto: Villa Verde dö sciô Checco.
Me dedichievo a-o cûlto dö dio Bacco
con de böttiggie vëgie che fan ciocco,[2]
cacciando e convenienze drento ûn sacco
pe sötterrale allegro tûtte in blocco,
contento che me dessan dö bislacco,
pe poeî godîme in paxe ö mae malocco.[3]
DISAVVENTÛA
L'âltro giörno a mae biöndinn-a
biricchinn-a,
da-o barcon m'ha salûtôu
e co-a bella sêu maninn-a,
gianca e finn-a,
ûnn-a rêuza a m'ha cacciôu.
