Pagina:Cava in to remoin 1930.pdf/51

Da Wikivivàgna

MADRIGALE

Se 'na mösca diventesse
e a têu man no me scörisse,[1]
me pösievo in sce e têu tresse
coscì neigre e coscì risse.[2]

Vorriae ûsâ tûtte e caresse,
quante in mente o me vegnisse,
imbriaegame de finesse[3]
de têu belle tresse risse.

E poi fâ mille stranesse,
däte a vitta a stisse a stisse,
fin che ûn baxo me restesse
fin che stracco no ne moîsse.[4]


SE!…

Se diventesse a caxo ûn nêuvo ricco,
o guadagnesse a-o lotto ûn terno secco,
vörriae mandâ i affanni tûtti a picco
e divorziame ascî pe n'èse becco.

  1. Scörisse: scacciasse.
  2. Risse: riccie.
  3. Imbriagame: ubbriacarmi.
  4. Moîsse: morissi.