Cava in to remoin 1930/O ZEÛGO DO SCIÛ E ZÛ
| ←Ö sôlleon | In to remoin de O zeûgo do sciû e zû |
Coscì dixeiva ûn merlo→ |
Ö ZEÛGO DÖ SCIÛ E ZÛ[1]
O monta ö dollaro,
o s'arsa ö franco,
quaexi trae lïe
costa ö pan gianco;
van sciû i affitti,
manca i quattrin
e cresce a pansa
da Catteinin.
Monta e patatte,
monta i coî-scioî,[2]
se sbascia e paghe,[3]
crescian i dôî;[4]
monta a sterlinn-a,
o cresce ö vin
e gonfia a pansa
da Catteinin.
Sempre a-o ribasso
camminn-a a lîa,
e ûn po' ciû a çenta[5]
ciascûn se tîa,
proprio a-o contraîo
da Catteinin
che a slarga a goenn-a
tûtte e mattin.
A sun de cresce,[6]
de ribassâ,
quarcosa ûn giorno
doviâ scciuppâ,[7]
e questo zêugo
o l'aviä ûn fin
comme a gonfiessa
da Catteinin.
Nasciä ûn masccetto,
nasciä ûnn-a figgia,
satiä via ö tappo
che n'imbottiggia?
Nisciûn sá dïlo,
ma sá ö destin
quaelo siä, ö nato
da Catteinin.