Cava in to remoin 1930/MATTIN
| ←O mae gnaognin | In to remoin de Mattin |
Tramonti→ |
MATTIN
Ûn scampanâ argentin ven da-a campagna
a-o quae rispönde ûn scampanâ vixin,
ûn âtro o ven da l'âto da montagna
insemme a-a primma lûxe da mattin.
S'addescia a vitta. Un dôçe ventixello
o mescia appenn-a e fêugge côme ûn sciôu;[1]
ne-o bosco a sô cansön canta ö franguello
da l'arpa dö rianetto accömpagnôu.
Fra i erbe gh'é ûn sûssûro delizïoso,
ûn gran xûattâ d'insetti delichae;[2]
mentre triönfante ö sô dai monti ascöso
a pörpöa o stende in çê da sò maestae.