Pagina:Cava in to remoin 1930.pdf/55

Da Wikivivàgna

Gh'é 'na gattin-a gianca ch'o çimenta
e lë a divora con de lunghe êuggiae,
ma quando o l'avvixinn-a a m'o scarpenta[1]
e a casa o torna carego d'ungiae.


MATTIN

Ûn scampanâ argentin ven da-a campagna
a-o quae rispönde ûn scampanâ vixin,
ûn âtro o ven da l'âto da montagna
insemme a-a primma lûxe da mattin.

S'addescia a vitta. Un dôçe ventixello
o mescia appenn-a e fêugge côme ûn sciôu;[2]
ne-o bosco a sô cansön canta ö franguello
da l'arpa dö rianetto accömpagnôu.

Fra i erbe gh'é ûn sûssûro delizïoso,
ûn gran xûattâ d'insetti delichae;[3]
mentre triönfante ö sô dai monti ascöso
a pörpöa o stende in çê da sò maestae.

  1. Scarpenta: graffia.
  2. Mescia: muove.
  3. Xûattâ: svolazzare.