Cava in to remoin 1930/LÛGGIO

Da Wikivivàgna
In to remoin de Gioxeppe Cava
Lûggio

[p. 145 modifica]LÛGGIO

De Lûggio tûtti anfibi diventemmo,
vivemmo mezo in taera e mezo in mâ,
de conseguenza a vitta regolemmo
in moddo da no perde a carezzâ.

Se ûnn-a scignoa se notta a-a passeggiata
se çerca avvixinala in riva a-o mâ,
s'invita a fâ 'na bella barchezzata,
oppûre se gh'insegna a... gallezzâ.

Se gh'intra a poco a poco in confidenza,
se finze d'ëse chêutti da-a pascion,
e doppo aveî piggiôu quarche licensa
se vegne sempre in taera a-a conclöxion.

De votte, amixi cäi, a bella ombrinn-a
a-a quae con arte gh'emmo bromezzôu,
pescandola a ne lascia quarche spinn-a
che pe rancala o ne ghe vêu ö Bollôu.[1]

  1. Bollöu: il bollato, cioè il diavolo.