Cava in to remoin 1930/AGÔSTO
| ←Lûggio | In to remoin de Agôsto |
Settembre→ |
AGÔSTO
Se fa sentî ö calore anche da-i sordi,
no semmo intrae pe ninte in sôlleon;
a l'ombra s'arrostisce comme i tordi,
a-o sô se chêuxe e êuve de piccion.
Ciû d'un çervello o perde a tramontann-a
e guai in te questo meize a litigâ,
se réziga de fâ sêunnâ a campann-a
o andasene d'asbrito in te l'ûspiâ.
Ö sôlleon in sce i destin da gente
ciû ch'influenza o g'ha complicitae:
ö cädo o fa a-i bordelli da crescente
e se diventa tutti increscentae.
Defaeti, dimme ûn po' se con a neive
s'é mai andaeti in ciassa a tiâ rissêu?
Se serca ben mangiâ e mègio beïve
e se comizia a-o cädo di lensêu.