Cava in to remoin 1930/A CROVETTA E-Ö VÖRPON

by Gioxeppe Cava

←Ö mûzou e-a gritta

In to remoin de Gioxeppe Cava A crovetta e-ö vörpon

Ö zanetto e ö babollo→

A CROVETTA E-Ö VÖRPON

Verso seia i 'na Crovetta,^[1]
zoena e bella da miâ,
s'é posâ sorva a mûagetta
d'ûnn-a crêuza a reposâ.

Un vörpon che andava a spassio^[2]
o l'ha vista e o s'é fermôu,
poi fissandola in ta faccia
dôçe dôçe o gh'a parlôu:

«O Crovetta zoveninn-a,
tûtta grazia e tûtta amô,
a têu ciûmma neigra e finn-a^[3]
a risplende comme ö sô.

«Se a-e têu forme, o morettinn-a,
rispondesse a vôxe ascì,
fra i oxelli ûnn-a reginn-a
a no gh'é se no ti e tî!».

Doppo ûn bon löcciâ de côa,^[4]
a Crovetta ammaliziâ
s'é toccâ co-a sampa a gôa
comme a dî: «Son refreidâ».

Poi con fâ da moneghetta
a gh'a dito ciancianin:
« Se te piaxe a formagetta,
raccomandite a-o borsin!».

1. Crovetta: corvina, dim. femm. di corvo.
2. Vorpon: volpone.
3. Ciûmma: piuma.
4. Löcciâ de côa: muovere di coda.