Pagina:Cava in to remoin 1930.pdf/119

Da Wikivivàgna

Coscì se lamentava ûn mûzou vëgio,
ridûto da-o terrô a pelle e spinn-a,
pensando che oramai no gh'ëa de mëgio
che fâse frizze e ciao... finî in cûxinn-a.[1]

'Na gritta arrûfianâ che d'in sce ûn schêuggio
se recillava a-o sciôu de tramontann-a,
a gh'a sbraggiôu; Mae cäo, gh'é vêu de l'êuggio
pe pôei campâ in giornâ se manca a tann-a!

«Mî, comme ti me veddi, sensa penn-a
rezûggio finn-a a-a rèsca ö mae pescetto
tranquilla e d'ogni po' me slargo a göenn-a
pe-a magica virtû de 'sto garbetto».


A CROVETTA E-Ö VÖRPON

Verso seia i 'na Crovetta,[2]
zoena e bella da miâ,
s'é posâ sorva a mûagetta
d'ûnn-a crêuza a reposâ.

Un vörpon che andava a spassio[3]
o l'ha vista e o s'é fermôu,
poi fissandola in ta faccia
dôçe dôçe o gh'a parlôu:

  1. Frizze: friggere.
  2. Crovetta: corvina, dim. femm. di corvo.
  3. Vorpon: volpone.