Bolle de savon/Pippo Macaggi

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
Pippo Macaggi
[p. 140 modifica]
Pippo Macaggi

Macaggi! - questo nomme
no ha bezêugno de ramma;
o l'é tûtto ûn programma,
o l'é spiga de gran,

spiga de gran cô d'öu
matûra a-o sô de lûggio;
çernemmola in to mûggio
e femmone do pan.

L'é bon o pan de casa
de pasta soda o liscio:
pe-o ricco e pe chi é miscio
o l'é o mëgio boccon. -

O vello de ste rimme
o lascia vedde o vëo,
stralûxe o mae pensciëo
s'hei lûmme de raxon.

Zeneixi, attenti!... pronti!...
che ve se bêutta a çimma:
no ve scordae che a zimma
a pêu cangiâse in fôu.

[p. 141 modifica]

Doman, zeneixi, a-o Pippo
dae o voto tûtti a rëo,
che saeiva ûn sgrêuxo vëo
lasciâlo in sciö ballôu. -

Per le elezioni politiche 16 Novembre 1919