Bolle de savon/O quadretto do giorno

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
O quadretto do giorno
www.liberliber.it 2011
[p. 18 modifica]
O quadretto do giorno

Dipinzo zù d'asbrïo, dipinzo a sguasso
comme ven ven, c'ûnn-a gran pennellâ,
dipinzo insomma co-a spassoïa, spegasso...
digghe chi vêu che no me l'ho pe-a mâ:

ûn paisaggio d'inverno; freido e giasso:
a gaverna, i candiôti; o sciûmme, o riâ
mettan freido d'ammiâli; o çê o l'é basso,
e l'é lì lì pe mettise a nevâ.

Ghe vêu dell'ätro? - Angiëti co-e trombette,
o pan de bosco, e pe compî a pittûa
a cabanna, i remaggi, e paisanette;

costiggiêu, bricchi, monti, e boschi e case,
e in primma riga, a fâ bella figûa,
comme sempre, due bestie: - o beû con l'aze....