Bolle de savon/Comensando l'anno

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
Comensando l'anno
www.liberliber.it 2011
[p. 19 modifica]
Comensando l'anno

Chi ben comensa - diva ûn giorno quello
o l'é quaexi ä meitae do sò cammin;
chi o cavo sà trovâ do rûmescello
desghêugge poi l'assetta scinn-a ä fin.

Tûtto stà a no sbagliâ o primmo pomello;
e o giorno o se conosce dä mattin:
a vitta a l'é comme ûn indovinello:
l'é bella a teja se l'é bello o lin.

Da tûtto questo vegno ä conclûxion:
comensando ben l'anno, i ätri trexento
sciûcianteçinque giorni gh'é raxon

da sperâ de tegnise sempre a vento,
e che in sciö teito no ghe dagghe o tron:
passe ûn sûnetto... ma de semm'in çento!