Bolle de savon/O Prestito Nazionale

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
O Prestito Nazionale
[p. 85 modifica]
O Prestito Nazionale
e o raxonamento da revendajêua

Sti tedeschi son proprio ûn osso dûo?...
ma chi fà a guaera - dixe - o l'é l'argent:
e allöa, chi ha lí de costa quarche scûo,
o-i dagghe anchêu sansa aspëtâ doman.

A son de giamminâ, de stento e sûo,
pe guadagnâ quello boccon de pan,
m'ho ancon misso duî södi chì a-o segûo,
pe aveili sempre, a-o caxo, sotteman.

E o momento l'é anchêu de tiâli fêua,
de desfâ o mûggio e desgroppâ a cäsetta,
e andâ ä Cascia d'asbrio, vëgia Manena:

fä vedde, che scibben revendajêua,
ti sae fâ o tò doveì, povea donnetta,
pe-o ben d'Italia e pe l'önô de Zena.