Bolle de savon/Goffredo Palazzi a Carlo Malinverni

Da Wikivivàgna
Sata a-a navegassion Sata a-a serchia
Bolle de savon de Carlo Malinverni
Goffredo Palazzi a Carlo Malinverni
[p. 86 modifica]
Goffredo Palazzi a Carlo Malinverni

Cäo Malinverni, a vëgia portoliann-a
che a son de mëze mutte e de franchetti,
a l'ha posciûo ammûggiâ questi biggetti
che a ve pösa in sciö banco lì ä Casann-a,

a me remescia tûtto, e perdiesanna-a!
sento che me s'appannan i speggetti:
oh, ne vegnisse de sti giorni sccetti,
lûxenti comme o çê de tramontann-a!

Comme scangian i tempi! - O sciö Reginn-a
o l'ha perso o scigoâ co-a Cattainin;
chi foise a Bödissonn-a o se sà ben...

Viva a vostra Manena, sciö Carlin,
fëa portoliann-a e vëa conçittadinn-a
de quello Grande chi é lazzù a Staggen!