Berio m.r. II 1.6/O pascio/32
| ←31 | Berio m.r. II 1.6 - O pascio Como le anime chi eran allo limbo disputauan cum li demonij, e como li santi padri si se allegràn della vegnua de Christe. |
33→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando lo demonio si aue cossi parlao si respoxe un altro de quelli, e ssi disse questo si e quello chi resuscita l altro giorno a lazaro, e quelli altri si respoxen de si che de zo si e ueritai. quando lo demonio aue de zo inteixo ello si incomenza de criar cum grande furor, e si disse allo principo dello inferno, o mixero e dolento como tu e ben staito inganao, che ueraxementi questo si e figior de de, per lo quar conuen che lo to regno sea desfaito, e guasto. o doloroxo, zo non ueiui tu atramenti, che questo non a zamai peccao, non ueiui tu ben che ello si moriua per soa uoluntai, za sai tu ben che ello poeiua scuxar la morte, e si non uosse mai e si se misse liberamenti in le mayn de li zue. or a questa disputacion [che] faxeiuan li demonij inter lor, Li santi pairi chi eran dentro allo limbo si incomenzan tuti quanti a confortarse, e inter li altri si parla san zoane batesto e si disse segnoi daiue tuti bon conforto che echame quello che e o batezao in (in) lo mondo, ello si e morto per noi, e si a spaito lo so sangue, per pagar li nostri debiti, e per trarne de queste peine donde noi semo. or quando meser san zoane aue compio queste parole, lo nostro segnor ihesu christe si cria la segonda uoxe, cossi como aueiua dito la primera, e disse o principi de queste tenebre leuai uia le porte dello inferno, e li demonij si respoxen anchora chi e questo ree de gloria, e li angeri chi eran cun christe respoxen.