Berio m.r. II 1.6/O pascio/31
| ←30 | Berio m.r. II 1.6 - O pascio Como li Zuê si deschazàn la Vergen Maria da lo morimento, et ella lantora si se lamentava de l'angello Gabrielo. |
32→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando li zue fon uegnui allo morimento de christe cun la famigia de pilato segondo che e o cointao, lantora elli si descazan la dona da lo morimento cun la compagnia della madareina cun le altre done chi uegniuan pianzando apresso a ella, e questo per la grande compassion che elle n aueiuan. Or quanto era lo dolor, e la angustia che aueiua la dona, e spessa fia ella si cazeiua inter le brace alle altre done, e si andaua digando como ella poeiua, O uoi li quai passai, atendi um pocho e uey se e o lo meo dolor si grande como e. O angelo gabriel, como e torna la tua salutacion in grande amarituden, tu si me dixesti gracia plena, e aora e sum pinna de angustie, e de doroy, tu me dixesti. dominus tecum, echame che questo me figior si m e stao leuao e morto, tu me diesti benedicta tu in mulieribus, echame che e som la piu dolenta mayre che fosse zamai in questo mondo, tu me diesti benedictus fructus uentris tui, echame, che ello e staito morto e biastemao da lo so mesmo pouo. O morte como tu e stremia e crudera, perche me fosti tu si contraria quando tu me lasasti da poi de Io meo figior cun tanto dolor, e cun tanto amarituden incontra alla maire dolenta allo monte caluario donde lo me figior era staito morto, e uegne in ieruxalem e si stete in una caxa ihaua e li stete cun grandissimi pianti & sospiri. Sauei deuemo che quando l anima de christe fo partia dallo corpo incontenente si deseixe allo limbo, e lantora si cria una uoxe monto forte e ssi disse, O principi (le uostre porte) de lo inferno leuai uia le porte eternai, et si intrera lo rey de la gloria. Et a questa uoxe tuto quanto lo inferno si trema tuto, et li demonij fon tuti quanti spauentai, e si se congregan tuti insieme, e si incomenzan a spiar, e a demandar inter lor, chi era questo ree de gloria e tar segnor chi era uegnuo alle porte de lo inferno. Et lo principo de li demonij si respoxe e si disse alli altri demonij, questo si e uno homo monto iusto patriarcha e monto santo, e mi dubitaua che non fosse figior de de, disse lo demonio per zo che ello si ueiua monti miracoli, e monti graindi segni, ma e o sapuo per lo certo che ello si e homo, imperzo che e o tanto faito cun uno so disciporo che ello si l a trayo & inganao, e uenduo per xxx dinai alli farexei, e quelli si l an crucificao per inuidia e si l an faito morir cun grande tormento [e] inperzo pensai de prender l anima soa chi descenda zuxa a star cun le altre anime in la nostra bayria.