Berio m.r. II 1.6/O pascio/30
| ←29 | Berio m.r. II 1.6 - O pascio Como li Zuê aven uisto che Christe era morto si llo dissen a Pillato che lo devessen ben goardar e Pillato si lli disse andai e goardairo voi stessi. |
31→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando li zue si auen sapuo che christe era morto, e che lo so corpo si era sepellio elli incontenente si zen a pillato, e si ge dissen Segnor sapi che noi semo inganai che questo marfator che tu ai faito morir si de auei dito che ello resuscitereiua lo terzo di, e imperzo noi si ue pregemo che tu fazi monto ben goardar lo so morimento cun gran diligencia, che tropo ben poreiuan uegnir li soi discipoli de noite, e portarlo uia, et asconderlo, et dir possa, a la gente che ello si e resuscitao, e questo herror sereiua tropo maor cha lo primer. Et lantora pillato si gi respoxe, andai uoi mestesi, e si llo goardai monto ben, e ordenai in tal mainera e goardai lo morimento che nissun non lo possa inuorar lo so corpo. Et lantora uegnen li zue e si preixen monti caualier, e seruenti armai e si uegnen allo morimento de christe, e si preixen uno siello, e si sellan lo morimento de christe in monte parte, e comendar alli seruenti et alli caualier che elli lo goardassem ben, cosi de noite como de giorno, a zo che nissuna persona non se aprossimasse allo morimento e che in quello luogo fosse bona goardia fin allo terzo giorno, conzo sia cossa che elli si seran monto ben pagai.