Berio m.r. II 1.6/O pascio/22
| ←21 | Berio m.r. II 1.6 - O pascio Como la Vergen Maria odì che lo so Figio era condenao a morte, ella se ze infra le gente e cun grandissimi lamenti ihamava allo so Figio. |
23→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando fo daita la sentencia de christe, li caualieri si fon aparegiai, e li seruenti de pilato, e si preixen christe, cossi incoronao de spine, e ssi auen aparegiao una croxe monto grossa, e si la missen son la spalla de christe, e si lo menan allo monte clauario, zoe in lo logo donde se faxeiua la iusticia delli layroin. Et quando la madareina aue uisto e cognossuo che li zue si menauan christe alla morte, ella si cria forte alla uergen maria digando, or tosto prestamenti dixe la madareina, Veiue madona che lo to figior lo meinan alla morte, et se tu lo uo zamai ueder, si te sforza aora de uegnir presto. Quando la uergen maria odi queste nouelle pensai o uoi done chi auei figioi, se ella aue angossa, e llo dolor che ella aue, e se sforzaua de parlar tanto era lo amarituden, e la dona incomenza a criar, e in ata uoxe alli zue digando, O crudelissima gente, e senza mixericordia, zomai abiai pietai de lo mio figior, e prendi in so cambio la dolenta maire, e se uoi no uorei allo figior perdonar, dai la morte alla soa maire cun lo figior insieme. La maire goardaua allo figio e ui che ello non poeiua rezer la croxe. Et lantora la dona si se misse inter la spressia per poei prender la croxe da le spale de so figio, ma quella maruaxe gente si lla rebutauan de fora. e in compagnia della uergene maria si eran monte done de ieruxalem qui seguiuam christe, e uegando lo pianto amarissimo che la dolenta maire faxeiua. Et quando ihesu christe uide la soa maire pianzer, e quelle done, ello si se uoze inuer quelle done, e si ge disse O figiore de ieruxalem non pianzi souer mi, ma pianzi per uoi, e per li uostri figioi, che e ue digo in ueritai che uera ancora tempo, che se dira beae quelle femene sterille chi non an portao figioi, e le mamelle le quai non aueran laitao. Et queste cosse fon compie quando ieruxalem fo preixa da vespexian imperao per forza che fon morti delli zuedei de ferro & si perin de fame piu de mille miria zue che uareiua una testa de uno animale piu de ccc dinai, e otrazo ne fon uendui noranta sete miria a raxon de xxx per uno dinar, che cossi como christe fo uenduo per xxx dinai, cossi ne fon uendui elli xxx per uno dinar, e questo gi auegne per lo peccao che elli fen contra a ihesu christe.