Berio m.r. II 1.6/O pascio/21

←20

Berio m.r. II 1.6 - O pascio Como Iuda inteixe che Christe fo condanao a morte ello si reixe li xxx dinai, e non possando avei Christe si se apichà per la gora.

22→

transcriçion do Pierenea Goarnê za pubricâ into Giornale Ligustico XX do 1893
tra parentexi quaddre s'azonze e tra parentexi rionde s'esponze, in corscivo e ligatue

Como Iuda inteixe che christe fo condanao a morte ello si reixe li xxx dinai, e non possando auei christe si se apicha per la gora. Quando Iuda scarioth uide che christe so maistro era condenao a la morte, ello si se penti lo dolento fortementi de lo tradimento che ello a faito, e si preixe quelli xxx dinai chi era lo prexio dello traimento e si se ne anda alli zue, et si ge disse, segnoi e o fortementi pechao che e o trayo lo sangue iusto, e si ue priego che uoi me rendai lo me maistro, e prendi li uostri xxx dinai. Et lantora li zue si se ne fen beffe digando za tosto tu uederai como noi te lo renderemo, e [zo] che noi no faremo. E lantor uegando Iuda che li zue non lo uoreiuan render, anti lo beffezauan, lantora se desparti lo mixero da la misericordia de de, e ssi buta uia la monea dello prexio dauanti alli zue, e si preixe una corda e si se ne fe un lazo e si se misse lo cauestro alla golla e si se apicha ello mesmo, e desperasse dalla mixericordia de de, perche ello si e danao alli tormenti, e allo fogo de lo inferno, che za senza comperacion fo magior peccao amazarse si mesmo, cha tradir christe, e se lo mixero fosse pentio como san piero, e non se fosse apichao, ancora dee l auereiua perdonao. Quando li zue auen uisto che Iuda aueiua butao in terra la monea allo tempio, elli si preixen quelli dinai, e si ne acatan uno campo, e si lo ordenan a sepelir li pellegrin, segondo che uno propheta aueiua anunciao.