Berio m.r. II 1.6/O pascio/17
| ←16 | Berio m.r. II 1.6 - O pascio Como li farexei prexentàn Christe a Pilato per mal fator, e Pilato si demandà donde era nao Christe, e poi si llo remandà a Herodes. |
18→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Quando christe fo menao dauanti a pilato si fon monto ben aparegiai li farexei e lli caualer e si llo acuxauan e dixeiuan a pilato. Noi si te auemo menao questo homo mal fator, e peccaor che tu lo debi zuigar, e occir, inperzo che ello si e ben degno. Et lantora pilato si preixe christe e si llo fe meter inter una camera, e si lo incomenza a xaminar diligente menti, e quando lo aue ben examinao, ello si retorna de fora alli zue, e ssi ge disse, Segnoi uoi si m auei menao questo homo, e si me l auei acuxao per mal fator e per homo pessimo, echame che e ll o monto ben examinao monto diligente menti, e si ue digo che non trouo in ello nissuna caxon per che ello sia degno de morte, per che doncha uorei uoi che spanda lo sangue de questo homo iusto senza corpa ni peccao. Et lantora li zue si respoxen a pilato e si gi dissen, Sapi per certo che se questo homo non fosse mar fator, noi no te l auereiuamo menao dauanti. Noi semo gente a chi deo a daita la leze per moyses, e per che cossa chi fosse, noi no fareiuamo tanta falla. Ma noi te digamo la ueritai la malicia de questo homo che ello non n a mai cessao de preuaricarne de la nostra leze. Et lantor si demanda pilato a li zue donde christe era nao, e quelli gi dissen de gallilea, e lantora gi respoxe pilato, e si gi disse, segnoi se questo homo e de galilea, uoi sauei ben che mi no lo don zuigar che non o zuixio de sangue, saruo [in] quelli de ieruxalem, e lantora disse pillato andai doncha e si llo menai a herodes a chi s aperten de zuigar queli de galilea.