Berio m.r. II 1.6/O pascio/18
| ←17 | Berio m.r. II 1.6 - O pascio Como Herodes demandà a Christe de monte cosse, alle quai Christe non ge respoxe e como lo tratà per mato. e si lo mandà a Pilato. |
19→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Sauei deuemo che Iudea si era monto grande faito, si che non g era saruo uno segnor, ma eran doi principai segnoi, zoe herodes chi rezeiua in galilea, et pillato chi rezeiua in ieruxalem, e questi doi no n eran miga zuei, che li zue non aueiuan rei de lor gente, ma eran tuti sota la segnoria dello imperaor de roma, e pilato si era oidenao segnor in ieruxalem per lo imperaor de roma, e (che) herodes (fosse) segnor in galilea per lo imperaor, e questi doi herodes e pilato si stauan mal insieme, e non se parlauan, e tuti doi si eran in lo tempo de christe in ieruxalem. Or quando pilato aue cognosuo che christe era de galilea si como e o dito si lo preixe, e si lo manda a herodes, e quando herodes aue uisto christe ello fo monto allegro, inperzo che monto l aueiua dexirao de cognosserlo per le grande cosse che ello odiua dir de christe, et si lo incomenza a demandar herodes de monte cosse, e christe non gi uosse mai responder niente, imperzo che ello non uoreiua impaihiar la soa passion che se christe auesse satisfaito a herodes de zo che gi demandaua, herodes l auereiua liberao e scampao, e inperzo christe taxeiua. Et questo testimonia dauid propheta lo quar disse in persona de christe, obmutui e silui a bonis, et dolor meus renouatus est. Et lantora uegando herodes che christe non respondea, si extimaua che ello fosse mato, e si lo fe uestir de biancho e si lo remanda a pilato, e si gi de tuta la segnoria che ello aueiua de zuigarlo, è lantora herodes e pilato fon faiti amixi, li quai auanti eran inimixi. Quando pilato aue christe in bairia si lo examina diligentementi, e si uegne dauanti a li zue e si gi disse, segnoi aora poei cognosser, che questo homo non e degno de morte, Veiue disse pilato che herodes si l a examinao e ssi non l a uossuo condempnar, e mi si (e) o cercao se ello [e] corpeiue, e ssi non ge ne trouo niente.