Berio m.r. II 1.6/O pascio/16

←15

Berio m.r. II 1.6 - O pascio Como Cayfas si mandà Christe a Pillato, et Pillato si llo remandà a Cayfas.

17→

transcriçion do Pierenea Goarnê za pubricâ into Giornale Ligustico XX do 1893
tra parentexi quaddre s'azonze e tra parentexi rionde s'esponze, in corscivo e ligatue

Como cayfas si manda christe a pillato, et pillato si llo remanda a cayfas.

Quando la noite fo compia che za era lo giorno, et echa lo remor grandissimo, e uegnir delle gente alla chaxa de cayfas che pilato mandaua prender christe. noi deuemo sauei che alli zue no era licito occir alcuna persona, ma quando elli trouauan alcuno degno de morte, si llo dauan in le mayn de pilato lo quar rezeiua la segnoria, et era como zuxe de mar officio, et a ello se partegniua de dar morte, e de occir quelli chi falliuan, e questo faxeiua(n) in persona dello Imperao de roma, lo quar segnorezaua in tuta la iudea. Et inperzo quando cayfas aue christe in bayria, la note come e o dito ello si manda a pillato a dir como ello aueiua uno homo preixo degno de morte, e pillato si aspeita fin allo giorno, e lantora si fe arma tuti li soi caualer, e lli soi seruenti, e si lli manda a caxa de cayfas donde christe era preixo, e questa gente si uegniuan cun grandissimo remor de uoxe, e de trombe, e de corni. quando elli fon uegnui alla caxa de Cayfas, si fom auerte le porte, e si andam tuti dentro da lo paraxo, la uergem maria chi staua de fuora uosse andar apresso per trouar lo so figior, ma ella non aueiua possanza ni bairia de intrar in la caxa per la grande spresia della gente, si che ella ne fo rebuta de fora cun grandissimo dexonor. Quando cayfas aue la famigia de pilato, si ge de christe in bairia e queli maledicti, e cegi si gi ligan le main ben forte, e cossi flagellao si llo manda a pilato e quando elli insiuan della caxa de fora de cayfas, la uergen maria si se leua como ella poe e goardaua se ella poeiua uei lo so figio, et ella non lo recognoseiua, inperzo che ello era tuto quanto desfigurao, e aueiua tuto lo so uixo sangonento, e la faza era tuta de spuazo, et la soa testa tuta quanta pera, e lo corpo era tuto pin de lauagio e da monte parte si coreiua tuto sangue, si che ello non pareiua esser figura humana, e certo ben era conpio zo che ixaya propheta aueiua dicto, Non est in eo species nec decor. Et la trista maire pur se goardaua intorno se ella poesse uei lo so figio, e inperzo ella si ihama la madareina, e si gi disse, o doce sorela goarda se tu poessi ueder e cognosser inter quelli lo to maistro, e lantora la madareina gi lo mostra e disse, Sapiai madona che quello lo quar tu si uei cossi flagellao si e lo to figior. Et lantora la uergen maria goardando intorno si llo uide, e si lo recognosse, e ssi incomenza de andar inuer ello meyo che ella poeiua, e cressendo la uoxe como poeiua ella si criaua forte digando, o docissimo figior me, donde e andaita cotanta belleza, tu eri lo piu bello homo chi fosse mai in lo mondo, e aora tu e cossi cambiao [.] o figior t ar ello cossi abandonao to paire che ello non te deffenda da cotanta peina, o figior me precioxo per che uoresti tu retorna in ieruxalem, za saueiui ben che li zue te cerchauan la morte. e pur la uergen maria se meteiua in la spresia per poei prender lo so figior, ma li caualer, e li seruenti si la rebutauan e si lla descazauan da ello, e aprosimar ella non poeiua.