Berio m.r. II 1.6/O pascio/15
| ←14 | Berio m.r. II 1.6 - O pascio Como la Vergen Maria si andava cerchando a Ihesu Christe, e como quando lo ave visto si llo incomenzà a parlar. |
16→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Stagando christe in lo tormento che e u o cointao in la caxa de caifas, la uergem maria si andaua per la terra, cerchando spiando & demandando nuouella de lo so figio, e como ella se aprosimaua allo paraxo de cayfas, ella si se acosta e si odi(r) lo remor et lo criar della gente, e lle uoxe delli zue. Et lantora la dona zoe la uergen maria si ihama la madareina, e ssi ge disse, o dolce sorella andemo presto, che e creo che [lo] to maistro sea in questo luogo, e lantora la madareina si se acosta, onde elle odiuan como li zue lo biastemauan, e si lo marexiuan. Et lantora ella si incomenza a criar in alta uoxe dauanti alla porta de cayfas per che gi fosse auerta ma la soa uoxe era faita per lo pianto rocha che non se poeiua odir, e ben era uegnuo in ella zo che lo propheta gi aueiua dito zoe, pianzando, e lo pianto in la note, e le soe lagreme, e lle soe maxielle, e si non n e chi gi daga consolacion de tuti li soi cari e amixi. e ancora fo compio in ella zo che dauid prophetta gi aueiua dito, e o lauorao orando e pianzendo tanto che la mea uoxe si e faita rocha. or pensai pechaoi in che guixa staua la uergen maria de fuora dello paraxo, e odiua le (a) acuxe che se faxeiuan in contra lo so figior, e lli corpi grandissimi che ello sostegneiua ni odiua nisun chi lo scuxasse, ni chi lo deffendesse. Ma odiua le uoxe e le uoxe forte criar, digando mora mora questo maruaxe peccaor. Or quar e quella maire chi non debia auer compassion, e pianzer insieme cun ella uegando tanta crudelitai chi fo faita a lo so figio senza corpa, ni peccao. Or tuta la notte si stete questa dolenta mayre in grande angustia dolor e sospiri aspeitando, e contemplando la peina che lo so figior portaua, e sostegneiua, per li peccaoi saluar.