Berio m.r. II 1.6/O pascio/13
| ←12 | Berio m.r. II 1.6 - O pascio Como Anna si comandà che Christe fosse prexentao a Cayfas lo quar gi demandava della soa doctrina. |
14→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
In queste cosse si ne amaistra lo nostro segnor ihesu christe che noi debiamo le iniurie chi ne son faite portarle pacientementi per lo so amor, cossi como ello (le) a portai e sofferte (e sofferte) tante iniurie per noi. Quando christe aue respoxo allo seruo chi l aueiua cossi fe- rio, Anna si comanda che christe fosse menao in la caxa de cayfas lo quar era zuxe in quello anno, e zuigaua e ssi rezeiua lo pouo. Et lantora li seruenti [si fom] apparegiai cum le arme e ssi preixen christe, e si lo menan dauanti a Caifas, e san piero gi andaua apresso, e ssi intra dentro della porta de caifas. Et incontenente una femena gi cria adosso digando, Veraxementi tu e de galilea e si e disiporo de questo homo, e lantora san piero si respoxe, e disse, o femena tu te ingani, e non son de quelli. Et lantora san piero se parti e si ze allo fuogo per ascaldarse, e uno homo della famigia de caifas si aue uisto a san piero, [e] si era(n) de quelli chi eran staiti a prender christe. Et quando ello aue cognosuo a san piero, (e) ssi ge disse che homo e tu. non n e tu delli discipori de questo homo, non pensi tu che te cognosso. e san piero si se scuxaua, e quello seruo si ge disse, como te poi tu scuxar che la toa parola si te manifesta, non t o uisto cun questo homo inter l orto, non fosti tu quello, che tagiasti la oregia a me cugnao malcho. Et san piero chi se ueiua cossi descouerto cun grande paura si gi disse e te zuro souer tuti li sagramenti della leze che zamai non ui mai questo homo, ni mai e llo cognossuo, ni parlai zamai conseigo. Et quando san piero aue cossi parlao incontenente ello odi(r) cantar lo gallo, e lantora ihesu christe si llo guarda per lo uixo, e incontenente sam piero si se aregorda delle parole che christe gi aueiua dicto, e como ello si aueiua inpromisso a christe de non mai abandonarlo, e lantor san piero se parti, e insi fuora della caxa, e si ze in una fossa li apresso, e lli si incomenza a pianzer amarissima menti lo so peccao, e zamai in soa uita quaxi ello non stete senza lagreme, si che (ello) conuegne che ello portasse continuamenti uno sudario per forbisse li ogi de tanta comtricion.