A ro Seg. Torquato Tasso
| ←torna a-a lista di atri scriti | A ro Seg. Torquato Tasso de |
| premisso a l'ed. da Gierusalemme Liberata do 1590 |
A RO SEG. TORQUATO TASSO,
SE ben mille degn'overe laudè
Fe vostro Poere da caschun laudao ,
L'haveive in questo mondo generao ,
Fo l'overa meggiò che o fesse moè.
Perche d'andà per virtuoza strè
Con si veloce passo o v'ha mostrao,
Che ro segno dra groria havei toccao ,
E l'honò vostro honò gh'accresce assè.
Fo so gran laude fase eterno, e chiero ,
E per le mesmo asase à cha de Dè
Con ra virtù che tutt'Italia honora.
Ma ro portaghe voi Torquato ancora,
E vive con doe vitte in terra, e in cè,
È miracoro certo unico, e rero.