Çittara zeneize/Rimme villareççe/Questi ærbori sì secchi e despoggǽ
| ←Avessi túe, in tanta tò malora | Çittara zeneize - Rimme vilæçe de Questi ærbori sì secchi e despoggǽ |
Caro ben, vitta cara, ah sarà moǽ→ |
| Zena, Franchello, 1745 notte do Prien |
XIX.
Questi ærbori sì secchi e despoggǽ,
Che a re guerre dri venti e de Zenâ
Comme tenti castelli se ven stâ,
Fâ fronte a re tempeste desperǽ,
Così núi, sì costanti e sì ostinǽ,
Son de Perrin ro mæsmo originâ,
Chi sempre ha da combatte e contrastâ,
Lichiña, a ra tò poca caritǽ.
Ma in questo (biǽ lô!) me poæran ricchi,
Che ciù belli che moǽ, passao l’agrura,
Compoæran pe re valle e pe ri bricchi.
Lê, con veite sì crua sempre e sì dura,
Che un neigro d’ongia moǽ ti te bosticchi,
L'è a segno ch'o no pâ ciù creatura.