Çittara zeneize/Rimme villareççe/Avessi túe, in tanta tò malora
| ←In questa ombroza grotta anco hò posciúo | Çittara zeneize - Rimme vilæçe de Avessi túe, in tanta tò malora |
Questi ærbori sì secchi e despoggǽ→ |
| Zena, Franchello, 1745 notte do Prien |
XVIII.
Avessi túe, in tanta tò malora,
Avúo dent’ri œuggi mille orzœu,
Un cancaro da læte dent’ro cœu,
Chi t’avesse strateizo lì lantora,
Perrin, ro primmo dì, quella prim’ora,
Che a quello maledetto lescheirœu,
Che aççeize Amô d’un sguardo a ro tò cœu,
Ti fessi e ti allargassi tanta gora!
Che in cangio de criâ ro tò gran torto
In sofferî per ti tanto strapaçço,
Giubilereiva ra campagna e l’orto.
Così sfogava un dì ro meschinaçço
De Perrin ra sò freña bello smorto.
Appiccate, Amô disse, poveraçço!