Çittara zeneize/Rimme villareççe/Caro ben, vitta cara, ah sarà moǽ
| ←Questi ærbori sì secchi e despoggǽ | Çittara zeneize - Rimme vilæçe de Caro ben, vitta cara, ah sarà moǽ |
Zà per arvî re træte→ |
| Zena, Franchello, 1745 notte do Prien |
XX.
Caro ben, vitta cara, ah sarà moǽ,
Che posse confessâ sença martœurio,
Che ti ê bella e pietoza? e che me grœurio
D’avei per ti sofferto tenti moǽ?
D’aveime in fin levao questa coǽ,
Dopo un sì longo e duro purgatœurio,
De góve sença meta de relœurio
Ro Çê dre tœu belleççe sempremoǽ?
Che quelle vive stelle, onde ro Sô
Sperde e s’oscura, posse comme in spegio
Góve feliçemente in Çê d’Amô?
Così drent'a uña grotta un dì a ra megio
S’inzegnava de dî Perrin pastô.
Amô respoze: Allò ti sarǽ vegio.