Çittara zeneize/Rimme villareççe/Comença amarelæde in sciù ro bricco
| ←Non sì tosto comença a sparegâ | Çittara zeneize - Rimme vilæçe de Comença amarelæde in sciù ro bricco |
In questo mæsmo dì chi corre ancœu→ |
| Zena, Franchello, 1745 notte do Prien |
XII.
Comença amarelæde in sciù ro bricco
A ferî de mattin ro primmo Arbô,
Che subito a ro cœu me batte Amô
Con quarche purgatœurio e quarche picco.
Dormo tutta ra nœutte in sciù l’appicco,
Tutto pin de sospiri e de dorô:
Corro per boschi aora ombra, aora pastô:
Pù da questo paggiâ no me bosticco.
Quando da pœu ro sœunno a ra mattin
Ri agnelli e pegorette a ro bærâ,
Ò cantando me rompan ri oxellin,
No sì tosto me descio, che desciâ
Sento ra sciamma; onde reposo ò fin
Moǽ per dormî no prœuvo ò per veggiâ.