Çittara zeneize/Rimme villareççe/Non sì tosto comença a sparegâ
| ←No gh'è tosto ni fœuggia ni steccon | Çittara zeneize - Rimme vilæçe de Non sì tosto comença a sparegâ |
Comença amarelæde in sciù ro bricco→ |
| Zena, Franchello, 1745 notte do Prien |
XI.
Non sì tosto comença a sparegâ
In Çê ro primmo Arbô tra scuro e cæro,
Che sâto zù dro letto, onde me poœro
In purgatœurio un’Añima dannâ.
Comm’uña cosa matta e desperâ
Corro per questi boschi; e, se repoæro
No trœuvo a re mæ peñe, hò per reghæro
Andâ pe re caverne Eco a desciâ.
Con lê me sfœugo, e pâ che per meixiña
Se servimmo l'un l’atro tra de noî;
Se mi ciammo Lichiña, e lê Lichiña.
Ma tosto a desconçâ ri nostri amoî
Sâta ra giroxia chi n’assassiña,
Così restemmo mutti tutti doî.