Çittara zeneize/Rimme villareççe/In questo mæsmo dì chi corre ancœu
| ←Comença amarelæde in sciù ro bricco | Çittara zeneize - Rimme vilæçe de In questo mæsmo dì chi corre ancœu |
Ancœu compisce l’anno che trovei→ |
| Zena, Franchello, 1745 notte do Prien |
XIII.
In questo mæsmo dì chi corre ancœu
L’anno passao de Mazzo apointo foì
Ra bella primma votta che te vì,
Bella Lichiña, e me zughei ro cœu.
Mareito sæ re pegore e ri bœu!
Che, de guardâre lô, me persi mi.
Foisse restao de statua bello lì,
Ciù duro che uña çeppa e che un riççœu!
Che per vive in un vive così cruo,
Starǽ megio int'ri morti sotterrao,
Che tra ri vivi così mâ vosciúo.
E chi sa, se a ra fin, megio pensao,
Ti mæsma, ro tò errô reconosciúo,
Ti no cianzessi ancon ro tò peccao?